Տեսանյութեր
Լուսանկարներ
Պատվաստումը գրիպի կանխարգելման ամենաարդյունավետ միջոցն է․ Առողջապահության նախարարություն
Առողջապահության նախարարությունը հաղորդում է, որ սուր շնչառական վարակներն ակտիվ փուլում են: Շրջանառվում են ռինովիրուսի, բոկավիրուսի, ադենովիրուսների, պարագրիպի հարուցիչները, կորոնավիրուսային հիվանդության հարուցիչներ, նաև գրիպի A տեսակի (H3N2) վիրուսը:
Սուր շնչառական վարակներով և գրիպով չհիվանդանալու, ինչպես նաև բարդություններից խուսափելու նպատակով՝ կրկին հիշեցնում և հորդորում ենք. պատվաստվե´ք սեզոնային գրիպի դեմ՝ դիմելով պոլիկլինիկա/ամբուլատորիա։
Գրիպի դեմ պատվաստումը՝
Նվազեցնում է գրիպով հիվանդանալու հավանականությունը,
Կանխարգելում է հիվանդության բարդությունները:
Միաժամանակ.
- Եթե հիվանդ եք, մնացե՛ք տանը
- Հնարավորինս շա՛տ հեղուկներ օգտագործեք
- Հաճախակի՛ օդափոխեք փակ տարածքները
- Պահպանե՛ք հազի ու փռշտալու կանոնները
- Մի՛ զբաղվեք ինքնաբուժմամբ
- Անհարկի մի՛ օգտագործեք հակաբիոտիկներ
- Հագնվե՛ք եղանակին համահունչ
- Հետևե՛ք անձնական հիգիենային:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել