Հանցավոր կազմակերպության անդամների կողմից 2008-2014 թվականներին Երևան համայնքին պատկանող շուրջ 73.8 հա մակերեսով հողատարածքները հափշտակելու, առանձնապես խոշոր չափերով փողերի լվացում կատարելու վերաբերյալ նախաձեռնված քրեական վարույթի նախաքննության ընթացքում ձերբակալվել է 9 անձ: Այս մասին հայտնում է Քննչական կոմիտեի խոսնակ Կիմա Ավդալյանը։

«Վերջիններիս նկատմամբ կալանքը որպես խափանման միջոց կիրառելու վերաբերյալ միջնորդություն է ներկայացվել դատարան»,- հայտնել է նա։

Նշենք, որ ձերբակալված անձանցից մեկը Էկոնոմիկայի նախկին նախարար Վահան Քերոբյանն է։

• Վահան Քերոբյանը ձերբակալվել է առանձնապես խոշոր չափերով փողերի լվացման և հանցավոր կազմակերպությանը մասնակցելու մեղադրանքներով