Ալբանիայի Դուրրես քաղաքում ընթացող երիտասարդների Եվրոպայի առաջնության 71 կգ քաշային կարգում Հայաստանի ընտրանու անդամ Տիգրան Կարապետյանը երկամարտի 321 կգ արդյունքով դարձել է Եվրոպայի երիտասարդների չեմպիոն: Հայտնում է Կրթության, գիտության, մշակույթի և սպորտի նախարարությունը։

«Հայ ծանրորդը պոկում վարժությունում առաջինն է եղել՝ հաջորդաբար բարձրացնելով 131 կգ, 136 կգ ու 145 կգ ծանրաձողերը: Վերջին մոտեցումով Տիգրան Կարապետյանը Եվրոպայի նոր ռեկորդ է սահմանել:

Հրում վարժությունում ևս առաջինը մեր ծանրորդն էր՝ գլխավերևում պահելով 166 կգ, 172 կգ և 176 կգ կշռող ծանրաձողերը և սահմանելով ԵԱ-ի նոր ռեկորդ:

Այս քաշային կարգում Հայաստանի մյուս ներկայացուցիչը՝ Նարեկ Գրիգորյանը, երեք հաջող մոտեցմամբ պոկել է 131 կգ, 136 կգ, 143 կգ: Այս վարժությունում Գրիգորյանը նվաճել է արծաթե մեդալ: Հրում վարժությունում նա բարձրացրել է 166 կգ, հետո 175 կգ` դառնալով ԵԱ-ի նոր ռեկորդակիր: Այս վարժությունում ևս նա երկրորդն էր:

Երկամարտի 318 կգ արդյունքով` Նարեկ Գրիգորյանը դարձել է Եվրոպայի երիտասարդների առաջնության փոխչեմպիոն»,- նշվում է հաղորդագրությունում։

Գլխավոր լուսանկարում՝ Տիգրան Կարապետյանը