Ալբանիայում ընթացող ծանրամարտի Եվրոպայի երիտասարդների առաջնությունում տղամարդկանց 60 կգ քաշային կարգում չեմպիոն է հռչակվել Գառնիկ Չոլակյանը։ Այս մասին հաղորդում է ԿԳՄՍՆ լրատվական ծառայությունը։

«60 կգ քաշային հայ ծանրորդը չեմպիոնի կոչմանն արժանացել է երկամարտի 267 կգ (120+147 կգ) արդյունքով: Առանձին վարժություններում ևս Չոլակյանը ոսկե մեդալներ է նվաճել:

Այս քաշային կարգում Հայաստանի մյուս ներկայացուցիչ Սեյրան Խուդանյանը պոկում վարժությունում գլխավերևում պահել է 115 կգ կշռող ծարաձողն ու արծաթե մեդալ նվաճել: Հրում վարժությունում Խուդանյանը բարձրացրել է միայն 135 կգ կշռող ծանրաձողը: Երկամարտի 250 կգ արդյունքով Խուդանյանը Եվրոպայի Մ23 տարեկանների առաջնությունում գրավել է 5-րդ տեղը»,- նշվում է հաղորդագրության մեջ:

Ավելի վաղ Եվրոպայի երիտասարդների առաջնության չեմպիոն էր հռչակվել 58 կգ քաշային Ալեքսանդրա Գրիգորյանը։