Գլխավոր դատախազությունը փորձում է Վճռաբեկ դատարանում վիճարկել «Սիլ պլազա» բիզնես կենտրոնի վերաբերյալ Վերաքննիչ հակակոռուպցիոն դատարանի որոշումը։

Ազգային Ժողովի «Քաղաքացիական պայմանագիր» խմբակցության պատգամավոր Խաչատուր Սուքիասյանի ընտանիքին պատկանող բիզնես կենտրոնի տարածքը պետությանը վերադարձնելու Դատախազության փորձերն առաջին ատյանի եւ Վերաքննիչ դատարաններում անհաջող են եղել։

Դատախազությունը 2025 թ․-ի հոկտեմբերի 6-ին է դիմել Վճռաբեկ հակակոռուպցիոն դատարան։ Գործով զեկուցող դատավար է նշանակվել հակակոռուպցիոն քաղաքացիական գործեր քննող Արման Կուրեխյանը։ Դատախազության բողոքը վարույթ ընդունելու հարցը որոշելու համար դատարանը երեք ամիս ժամանակ ունի։

Երևանի փոքր կենտրոնում գտնվող «Սիլ պլազա» բիզնես կենտրոնը պատկանում է «Գռզո պլազա» ՍՊ ընկերությանը, որն էլ, իր հերթին, պատկանում է Խաչատուր Սուքիասյանին եւ նրա ընտանիքի անդամներին։ Բիզնես կենտրոնի զբեղացրած հողամասի եւ դրա վրա գտնված շինությունների սեփականաշնորհման պատմությունը «Հետք»-ն էր բացահայտել։ Գույքը Խաչատուր Սուքիասյանի հայրը՝ Ալբերտ Սուքիասյանն էր ձեռք բերել չնչին գնով՝ 5655 ԱՄՆ դոլարով (1994 թ․-ին)։

Լուսանկարը՝ Սարո Բաղդասարյանի 

• $ 5655․ սեփականաշնորհում՝ «ջրի գնով»
• Գլխավոր դատախազը՝ Պապիկյանին, Սուքիասյանին, Բեգլարյանին և այլոց առնչվող «Հետքի» հրապարակումների մասին
• Դատախազությունը պահանջում է զրկել Սուքիասյաններին «Սիլ պլազայի» սեփականության իրավունքից․ քրեական գործ է հարուցվել
• Վճիռ՝ հօգուտ Սուքիասյանների․ «Սիլ պլազայի» գործով Դատախազությունն առաջին ատյանում պարտվեց
• Դատախազությունը «Սիլ պլազայի» գործով պարտվեց նաև վերաքննիչ դատարանում