Բնապահպանության և ընդերքի տեսչական մարմինը հաղորդում է, որ սեպտեմբերի 18-ին ««Սևան»ազգային պարկ» ՊՈԱԿ-ի տարածքում աղբի կուտակումների վերաբերյալ ստացված ահազանգի հիմքով հարուցվել էր վարչական վարույթ։  

«Պարզվել է, որ ««Սևան» ազգային պարկ»ՊՈԱԿ-ի Սևան անտառպետության տարածքում, ոչ պատշաճ հսկողության արդյունքում, կուտակվել է 4-րդ դասի վտանգավորության մեծաքանակ կենցաղային աղբ։

Ծանր տեխնիկայի միջոցով կուտակված աղբի վերացման աշխատանքների չկանոնակարգված կազմակերպումը հանգեցրել է 0,81հա հողի աղբոտման։

Կատարվել է հողային ռեսուրսներին պատճառված վնասի հաշվարկ, որը կազմել է 33 484 320 դրամ։

Առերևույթ հանցանքի մասին հաղորդում է ներկայացվել ՀՀ քննչական կոմիտե»,- նշվում է հաղորդագրության մեջ: