Կենտրոնական ընտրական հանձնաժողովը հայտնում է, որ նոյեմբերի 16-ին նշանակված Արմավիրի մարզի Վաղարշապատ համայնքի համամասնական ընտրակարգով ավագանու ընտրություններում օգտահաշիվ ստանալու հայտ է ներկայացրել 11 քաղաքական ուժ։

«Նրանցից թիվ 14 Ընտրատարածքային ընտրական հանձնաժողով առաջադրման փաստաթղթեր են ներկայացրել 9-ը։

Դրանք են՝

• «Հայրենիք» կուսակցություն,
• «Հաղթանակ» կուսակցությունների դաշինք, կազմում՝ «Առաջ» և «ՀՅԴ» կուսակցություններ,
• «Քաղաքացիական պայմանագիր» կուսակցություն,
• «Ազատ դեմոկրատներ» կուսակցություն,
• «Մայր Հայաստան» կուսակցություն,
• «Ժառանգություն» կուսակցություն,
• «Ազգային առաջընթաց» կուսակցություն,
• «Հանրապետություն» կուսակցություն,
• «Համահայկական ճակատ» կուսակցություն։

Առաջադրման փաստաթղթեր ներկայացրած սուբյեկտների գրանցումն իրականացնելու է թիվ 14 ԸԸՀ-ն՝ հոկտեմբերի 12-ից 17-ն ընկած ժամանակահատվածում։

Գրանցված կուսակցություններին (դաշինքին) հերթական համարներ են տրամադրվելու հոկտեմբերի 18-ի ԿԸՀ նիստում՝ վիճակահանությամբ»,-ասված է հաղորդագրության մեջ։