Սննդամթերքի անվտանգության տեսչական մարմինը տեղեկացնում է, որ Արագածոտնի մարզի Ոսկեվազ համայնքում կասեցվել է անհատ ձեռնարկատեր Տիգրան Հակոբյանին պատկանող լավաշի արտադրամասի արտադրական գործունեությունը:

Ստուգման արդյունքում, ըստ ՍԱՏՄ-ի, արձանագրվել է, որ լավաշի այդ արտադրամասն աշխատում է սանիտարահիգիենիկ սահմանված նորմերի բազմաթիվ խախտումներով:

Մասնավորապես՝

• չեն բացառվել առաստաղների վրա կեղտի կուտակումները, մասնիկները թափվելու հնարավորությունը, արտադրական շինությունների մակերևույթին կոնդենսատի, բորբոսի առաջացումը,
• պատերի, դռների մակերևույթները պատրաստված չեն եղել անջրանցիկ, լվացվող, ախտահանվող նյութերից,
• չի կատարվել տեխնիկական սարքավորումների անհրաժեշտ տեխնիկական սպասարկում և ընթացիկ վերանորոգում,
• բացվող ներքին պատուհանները չեն ունեցել հեշտությամբ հանվող և մաքրվող միջատապաշտպան ցանցեր,
• բացակայել են բնական և մեխանիկական օդափոխության միջոցները, 
• չի բացառվել կենդանիների, միջատների ներթափանցումը արտադրական տարածք, 
• չի եղել հանդերձարան անձնակազմի համար:

Անհատ ձեռնարկատեր Տիգրան Հակոբյանին հանձնարարվել է ձեռնարկել անհրաժեշտ միջոցներ և լավաշի արտադրամասը համապատասխանեցնել Մաքսային Միության տեխնիկական կանոնակարգերով սահմանված պահանջներին:

Լուսանկարը՝ ՍԱՏՄ-ի