Բնապահպանության և ընդերքի տեսչական մարմինը հաղորդում է, որ ջրային ռեսուրսների նորմերի պահպանությանն ուղղված միջոցառումների ընթացքում աշխատակիցներն արձանագրել են խախտումներ։

«Արարատի մարզում պանելների արտադրությամբ և քարի վերամշակմամբ զբաղվող «Իզիպանել» ՍՊԸ-ն տարածքում առկա գրունտային ստորերկրյա ջրերից կատարել է ապօրինի ջրառ՝ չունենալով ջրօգտագործման թույլտվություն:

Արմավիրի մարզում «ՏՆԿԱՐԱՆ» ՍՊԸ-ին պատկանող գազալցակայանի տարածքի խորքային հորից արտադրական և ոռոգման նպատակով իրականացվել է ապօրինի ջրառ՝ նույնպես առանց համապատասխան թույլտվության։

ԲԸՏՄ Արարատի և Արմավիրի տարածքային բաժինների պետերի որոշումներով ապօրինի ջրօգտագործումները կասեցվել են։

Կկիրառվեն վարչական պատասխանատվության միջոցներ»,- նշվում է հաղորդագրության մեջ։