Վերջին տարիներին Իրանից եւ Թուրքիայից մեծ ծավալով ձկնամթերք է ներմուծվում Հայաստան։ «Հետքի» ձեռքի տակ են հայտնվել ներմուծման եւ արտահանման մի շարք փաստաթղթեր։ Դրանց ուսումնասիրությունից պարզ է դարձել՝ Թուրքիայից եւ Իրանից Հայաստան ներմուծված ձուկը հաճախ վերապիտակավորվում է որպես հայկական արտադրանք եւ արտահանվում է Ռուսաստան։

Սրա վերաբերյալ ահազանգել են նաեւ տեղական ձկնարտադրողները: Նրանք պնդում են՝ այդ գործելաոճը խաթարում է մրցակցությունը եւ լուրջ հարված է հասցնում հայկական արտադրանքի արտահանմանը։