Երևանի քաղաքապետարանը հայտնում է, որ երթևեկության կազմակերպման փոփոխություններ են իրականցվել հասարակական տրանսպորտի ավելի անարգել երթևեկությունն ու տրանսպորտային հոսքերի անընդհատությունն ապահովելու նպատակով։

«Խորենացի փողոցում կատարվել են երթևեկության կազմակերպման փոփոխություններ` Մաշտոցի պողոտայի խաչմերուկից մինչև Վ․ Սարգսյան փողոցի խաչմերուկ հատվածում ներդրվել է հասարակական տրանսպորտի համար առանձնացված գոտի, որով պայմանավորված նշված հատվածում տրանսպորտային միջոցների կանգառն արգելված է»,-ասված է հաղորդագրության մեջ։