Անհատ ձեռնարկատեր Տիգրանուհի Եղիազարյանին պատկանող հանրային սննդի օբյեկտում անցկացրած կրկնակի ստուգայցի ընթացքում Արագածոտնի մարզային կենտրոնի տեսուչները խախտումներ չեն հայտնաբերել (Արագածոտնի մարզ, գ․ Սաղմոսավան), քանի որ տնտեսավարողը շտկել է նախորդիվ հայտնաբերված թերությունները։ Այս մասին հայտնում են ՍԱՏՄ լրատվականից։

«Հանրային սննդի օբյեկտի արտադրական գործունեության կասեցումը վերացվել է»,- ասված է հաղորդագրությունում։

Հիշեցնենք, որ ստուգման ընթացքում ՍԱՏՄ տեսուչները պարզել էին, որ արտադրական գործընթացներն այստեղ իրականացվում են սննդամթերքի հիգիենային ներկայացվող սահմանված պահանջների խախտմամբ։