Ներքին գործերի նախարարությունից հայտնում են, որ հունիսի 28-ին, ժամը 12։31-ին Ուջան գյուղում տեղի է ունեցել ՃՏՊ, կան տուժածներ։

«Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Աշտարակ-Գյումրի ավտոճանապարհի 14-րդ կմ-ին, բախվել են «Nissan» և «VAZ» մակնիշների ավտոմեքենաները․ «Nissan» մակնիշի ավտոմեքենան դուրս է եկել ճանապարհի երթևեկելի հատվածից։

Փրկարարները հոսանքազրկել են ավտոմեքենաները, փակել գազի բալոնների փականները և քաղաքացիների հետ համատեղ «VAZ» մակնիշի ավտոմեքենայի ուղևորին դուրս բերել ավտոմեքենայից։

Վարորդները և ևս երկու  տուժած հոսպիտալացվել են բժշկական կենտրոն»,-ասված է հաղորդագրության մեջ։