Տեսանյութեր
Լուսանկարներ
Թմրամիջոցների նմանվող զանգվածներ, դեղահաբեր, այլ արգելված իրեր․ ձերբակալվել է դատապարտյալին տեսակցության եկած քաղաքացին
Արդարադատության նախարարության «Սևան» քրեակատարողական հիմնարկի անվտանգության ապահովման բաժնի ծառայողները խուզարկել են դատապարտյալի մոտ կարճատև տեսակցության եկած քաղաքացի Գ․Շ․-ին եւ նրա մոտ առկա ծխախոտի տուփից հայտնաբերել է ապակյա ինքնաշեն ծխամորճ՝ կասկածելի հետքերով և լցված սև զանգվածով:
«Տարված բացատրական աշխատանքների արդյունքում Գ․Շ․-ն ներքնազգեստի միջից ներկայացրել է նաև փաթեթ, որում առկա են եղել ընդհանուր 11,1 գրամ քաշով, տարբեր թմրամիջոցների նմանվող զանգվածներ և դեղահաբեր։
Քաղաքացի Գ․Շ․-ն ձերբակալվել է օպերատիվ ծառայողների կողմից և ներկայացվել ՀՀ ՔԿ Կոտայքի մարզային քննչական վարչություն»,-հայտնում է Քրեակատարողական ծառայության Հանրային կապերի բաժինը։
Լուսանկարը՝ ՔԿԾ-ի
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել