Տեսանյութեր
Լուսանկարներ
Կալանավորին տեսակցության եկած քաղաքացու մոտ հայտնաբերվել է թմրամիջոցի նմանվող զանգված. ՔԿԾ
Արդարադատության նախարարության «Նուբարաշեն» քրեակատարողական հիմնարկի անվտանգության ապահովման բաժնի ծառայողները կալանավորված անձի մոտ տեսակցության եկած քաղաքացի Ա․Ղ․-ի տաբատի փոքր գրպանից հայտնաբերել են փաթեթ, որում առկա է եղել մարիխուանա տեսակի թմրամիջոցին նմանվող, ընդհանուր 0,40 գրամ քաշով, դեղնականաչավուն զանգված։ Այս մասին հայտնում է ՔԿԾ Հանրային կապերի բաժինը։
«Քաղաքացի Ա․Ղ․-ն ձերբակալվել է Քրեակատարողական ծառայության կենտրոնական մարմնի օպերատիվ վարչության «Նուբարաշեն» տարածքային բաժնի ծառայողների կողմից և ներկայացվել ՀՀ ՔԿ Երևան քաղաքի Էրեբունի և Նուբարաշեն վարչական շրջանների քննչական բաժին»,- տեղեկացնում է ՔԿԾ-ն։
Լուսանկարը՝ ՔԿԾ-ի
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել