Մեկնարկել է «Երևանի Գինու Օրեր» փառատոնը, որն արդեն 9-րդ տարին անցկացվում է մայրաքաղաքի կենտրոնական Սարյան, արդեն նաև Մոսկովյան և Թումանյան փողոցներում, որոնց մի հատվածը փառատոնի օրերին փակվում է երթևեկության համար։ 

Ըստ կազմակերպիչների՝ նախորդ տարի գինու փառատոնն ունեցել է 120,000-ից ավելի այցելու, որից 30%-ը՝ զբոսաշրջիկներ, իսկ տնտեսական ազդեցությունը գերազանցել է 25 մլն ԱՄՆ դոլարը։ Գինեգործները վաճառել են ռեկորդային շուրջ 42,000 շիշ գինի։ Այս տարի փառատոնին ներկակայացվելու են մինչև 100 գինեգործական ընկերություններ։ 

«Երևանի Գինու Օրեր» փառատոնը մեկնարկել է հունիսի 6-ին, տևելու է մինչև հունիսի 8-ը՝ ժամը 16։00-ից 22։30։