Երեխաների իրավունքների պաշտպանության միջազգային օրը Երևանի կենտրոնում ավանդաբար մարդաշատ է լինում։ Քաղաքային զբոսայգիներում և ժամանցի վայրերում երեխաները ծնողների հետ զբոսնում էին և մասնակցում տարբեր միջոցառումների։ Անգլիական այգում «Զանգակ» գրախանութը և Երևանի քաղաքապետարանը մանկական գրքի փառատոնի շրջանակներում կազմակերպել էին բացօթյա համերգ․ բեմում «Լավ էլի» խումբն էր։ Երևանի 2800-ամյակի այգու շատրվանները երեխաների սիրելի զվարճատեղիներից է այդ օրը։ Ազատության հրապարակում Երևանի և մարզերի տաղանդավոր պատանի երգիչ-երգչուհիները ելույթ ունեցան անվանի օպերային աստղերի հետ՝ Ալեքսանդր Սպենդիարյանի անվան օպերայի և բալետի ազգային ակադեմիական թատրոնի նվագախմբի և երգչախմբի մասնակցությամբ։