«Սնխ» (SNKH) ճարտարապետական ստուդիան այս տարի դարձավ 10 տարեկան։

Երևանում ստեղծված ստուդիայի հիմնադիրներ Աշոտը և Արմինեն ամուսիններ են։ Դեռ ուսանողական ակտիվ տարիներից ճարտարապետական նույն կուրսում սովորող Աշոտը և Արմինեն կեսում էին ճարտարապետության նկատմամբ իրենց պատկերացումները։ 2015թ.-ին նրանք հիմնեցին «Սնխ» ճարտարապետական ստուդիան, որտեղ արդեն կյանքի էին կոչում իրենց գաղափարները։ Հարյուրից ավել իրականացված նախագծերը ապահովել են իրենց ուրույն տեղը տեղական ճարտարապետական համայնքում և հաղթանակներ՝ միջազգային հեղինակավոր ճարտարապետական մրցույթներում։

«Հետք»-ն այցելել է «Սնխ» ճարտարապետական ստուդիա և ամուսիններ Աշոտ և Արմինե Սնխչյանների հետ զրուցել ստուդիայի հաջողությունների և նախագծերի, Վենետիկի բիենալեում և Միլանի տրիենալեում նրանց մասնակցության, Երևանում անվերահսկելի կառուցապատումների և այլ կարևոր թեմաների շուրջ։