«Կապանի լեռնահարստացման կոմբինատ» ՓԲԸ-ում Բնապահպանության եւ ընդերքի տեսչական մարմնի իրականացրած ստուգման հիման վրա նախաձեռնված քրեական վարույթը դեռեւս նախաքննության փուլում է: Հիշեցնենք, որ հունվարի 15-ին այն նախաձեռնել էր Քննչական կոմիտեն:

Քննչական կոմիտեից «Հետքին» հայտնել են, որ դատաէկոլոգիական փորձաքննություն է նշանակվել, բայց եզրակացություն դեռ չկա: Չկան նաեւ անձինք, որոնց հանդեպ քրեական հետապնդում է հարուցվել վարույթի շրջանակներում:

Հիշեցնենք, որ, ըստ ԲԸՏՄ-ի, Կապանի կոմբինատի կողմից ապօրինի արդյունահանվել է 2895 տոննա հանքաքար, որը պարունակել է 13,5 կգ ոսկի, 251 կգ արծաթ, 23 տոննա պղինձ, 153 տոննա ցինկ եւ 18 տոննա կապար:  Ընկերությունը, սակայն, համաձայն չէ տեսչական մարմնի հետ, եւ դատարանում վիճարկում է ԲԸՏՄ-ի գործողությունները:

Տես նաեւ՝

• Կապանի լեռնահարստացման կոմբինատում իրականացված ստուգման արդյունքներով քրեական վարույթ է նախաձեռնվել
• Կապանի լեռնահարստացման կոմբինատը դատի է տվել տեսչական մարմնին
• Տեսչական մարմին. Կապանի կոմբինատը ապօրինի 2900 տոննա հանքաքար է արդյունահանել, նյութերն ուղարկվել են Քննչական կոմիտե
• «Հետքի» հրապարակումից հետո տեսչական մարմինը ստուգում է սկսել Կապանի ԼՀԿ-ում
• Կապանի լեռնահարստացման կոմբինատն արձագանքել է «Հետքի» հոդվածին
• Տեսչական մարմինը Կապանի ԼՀԿ-ում ստուգում կիրականացնի. կառույցը չի հերքում, որ Սյունիքի տարածքային բաժնի պետն այնտեղ է աշխատել
• Ըստ բնակիչների՝ Կապանի ԼՀԿ-ն սկսել է Շահումյանի հանքի բաց եղանակով շահագործման աշխատանքներ. ընկերությունը հերքում է