ՀՀ վարչապետ Նիկոլ Փաշինյանը X-ի իր միկրոբլոգում ցավակցել է երեկ Թուրքիայի Քարթալկայա լեռնադահուկային հանգստավայրում գտնվող հյուրանոցում բռնկված հրդեհի հետևանքով զոհվածների հարազատներին:

«Բոլու լեռնադահուկային հանգստավայրի ողբերգությունը շոկային է: Ցավակցում եմ զոհվածների ընտանիքներին։ Տուժածներին շուտափույթ ապաքինում եմ մաղթում»,- գրել է նա։

The tragedy at the ski resort in #Bolu is shocking. My condolences to the victims' families։

I wish a speedy recovery for the injured.

— Nikol Pashinyan (@NikolPashinyan) January 22, 2025

Հրդեհը բռնկվել է երեքշաբթի օրը՝ տեղական ժամանակով ժամը 03:27-ի սահմաններում։ Հրդեհի հետևանքով զոհվել է առնվազն 76 մարդ, ևս 51-ը վիրավորվել է։ Զոհերի մեծ մասը ծխից շնչահեղձ է եղել: Հետաքննության շրջանակներում ինը մարդ է բերման ենթարկվել։ 

Ըստ թուրքական պաշտոնական աղբյուրների՝ հրդեհի պահին 12-հարկանի հյուրանոցում գրանցված է եղել 238 հյուր։

Լուսանկարը՝ AP-ի