Բնապահպանության և ընդերքի տեսչական մարմինը հայտնում է, որ որսի և վաճառքի արգելքի ընթացքում դեկտեմբերի 9-26-ի խստացված շուրջօրյա միջոցառումների ժամանակ մայրաքաղաքի ու ՀՀ մարզերի շուկաներում և բացօթյա վաճառակետերում, մայրուղիներում, Սևանա լճի ջրային ավազանում ու ափամերձ տարածքներում հայտնաբերվել և առգրավվել են.

• 32 լողամիջոց
• 695 կգ ձուկ
• 1 ապօրինի վաճառք
• 3 ապօրինի տեղափոխում
• 6 ձկնագողություն

Լճից դուրս է բերվել.

• 879 ձկնորսական ցանց
• 119 խեցգետնորսիչ

Շրջակա միջավայրին պատճառված վնասի չափը 3.473.830 դրամ է։

Հարուցվել է 3 վարչական և 7 քրեական վարույթ։

Առգրավված ձկները համապատասխան փորձաքննությունից հետո հանձնվել են հատուկ խնամքի կարիք ունեցող անձանց կենտրոններ։ Ոչ պիտանի ձկնաքանակը ոչնչացվել է՝ սահմանված կարգի համաձայն։