Գյումրին ընդգրկող թիվ 31 ԸԸՀ-ն այսօր ստացել է «Բալասանյան» խմբակցության ավագանու 14 անդամի, այդ թվում՝ համայնքի ղեկավարի, պարտականությունների վաղաժամ դադարեցման արձանագրություններ:

Կենտրոնական ընտական հանձնաժողովի մամուլի ծառայությունը հայտնում է, որ թափուր մանդատների հարցին թիվ 31 ԸԸՀ-ն կանդրադառնա նոյեմբերի 1-ին՝ 18:00-ին հրավիրված նիստին:

Ավելի վաղ «Բալասանյան» դաշինքի նախընտրական ցուցակում ընդգրկված, բայց մանդատ չստացած թեկնածուները նույնպես դուրս էին եկել ցուցակից, որպեսզի իրենց չփոխանցվի մանդատը։