Երևանի քաղաքապետարանից հայտնում են, որ մայրաքաղաքում տրանսպորտային հոսքերի անցանելիությունն ավելացնելու նպատակով հոկտեմբերի 7-ից երթևեկության կազմակերպման փոփոխություն կկատարվի Աճառյան փողոցում:

«Մասնավորապես, Աճառյան փողոց հ.32 հասցեից մինչև Աճառյան-Բաբաջանյան փողոցների խաչմերուկ երթևեկելի մասի աջ կողմում կարգելվի մեքենաների կանգառը: Ինչպես նաև Աճառյան փողոց հ.33/6 հասցեից մինչև Աճառյան փողոց-Աճառյան 1-ին փակուղի խաչմերուկ նույնպես կարգելվի մեքենաների կանգառը: Միաժամանակ նշված ճանապարհահատվածում կկատարվի համապատասխան գծանշում և ճանապարհային նշանների տեղադում»,- նշվում է հաղորդագրության մեջ։