«Հետաքննող լրագրողներ» հասարակական կազմակերպությունը աշխատանքի է հրավիրում փորձառու և պատասխանատու աշխատակցի կազմակերպության Գրասենյակի ղեկավարի օգնականի թափուր հաստիքը զբաղեցնելու համար։ 

Աշխատանքային հիմնական պարտականությունները՝

• Կազմակերպել փաստաթղթաշրջանառությունը, ապահովել կազմակերպության փաստաթղթերի պատշաճ կերպով պահպանումը, արխիվավորումը:
• Պատրաստել կազմակերպության պայմանագրերը։ 
• Կազմել ՀԿ կանոնադրությամբ  և կազմակերպության ղեկավարի հանձնարարությամբ հանդիպումների ու ժողովների օրացուցային պլանները՝ անհրաժեշտության դեպքում կիրառելով նաև առցանց գործիքներ։ Կազմել հանդիպումների ու ժողովների արձանագրությունները։ 
• Հետեւել կազմակերպության ռազմավարություններից բխող ընթացակարգերի կիրառմանը։
• Իրականացնել կազմակերպության գործունեության մոնիթորինգի ու գնահատման գործընթացը՝ կատարելով տվյալների հավաքագրում՝ համաձայն Գրասենյակի ղեկավարի հանձնարարության։
• Աշխատանքը կատարել «Հետաքննող լրագրողներ» ՀԿ կազմակերպության ներքին ընթացակարգերին և պահանջներին համապատասխան։
• Գործավարը սերտորեն համագործակցելու է Կազմակերպության Կառավարման խորհրդի և ֆինանսական բաժնի հետ, հաշվետու է լինելու Գրասենյակի ղեկավարին։

Պահանջվող կրթությունը եւ հմտությունները

• Բարձրագույն կրթություն հումանիտար, կառավարման, հաղորդակցության կամ համանման այլ ոլորտներում։
• Հայոց լեզվի գերազանց, անգլերենի բավարար իմացություն։
• Կազմակերպչական, հաղորդակցային գերազանց հմտություններ։
• Վերջնաժամկետների նկատմամբ պատասխանատվություն ու դրանց պահպանում։
• Թիմում աշխատելու կարողություն, աշխատանքում համագործակցային սկզբունքներ։
• Խնդիրների՝ խաղաղ ճանապարհով լուծման հմտություններ և կարողություններ։
• Բազմաբնույթ առաջադրանքների կատարման հմտություններ։
• Նոր գիտելիքներ և կարողություններ ձեռք բերելու պատրաստակամություն։ 

Աշխատանքի սկիզբը՝ հոկտեմբերի 1, 2024։

Դիմելու համար խնդրում ենք ուղարկել CV հետեւյալ էլեկտրոնային հասցեով՝ [email protected], մինչեւ սեպտեմբերի 15-ը, նամակի “subject” դաշտում գրելով՝ Գրասենյակի ղեկավարի օգնականի հաստիքի դիմում եւ CV-ի կամ նամակի մեջ պարտադիր տեղադրելով սոցիալական ցանցերի էջերի հղումները։