«Եվրո-2024»-ի քառորդ եզրափակչում Ֆրանսիայի հավաքականը հետխաղյա 11-մետրանոց հարվածաշարում հաղթեց Պորտուգալիայի ընտրանուն և դուրս եկավ կիսաեզրափակիչ: Հանդիպումը տեղի ունեցավ Համբուրգի «Ֆոլկշպարկշտադիոն» մարզադաշտում:

Հանդիպման հիմնական և լրացուցիչ ժամանակում թիմերը չկարողացան գոլ խփել, և դիմակայության ելքը վճռվեց 11-մետրանոց հարվածաշարում, որտեղ բախտը ժպտաց ֆրանսիացիներին (5:3):

Կիսաեզրափակչում Ֆրանսիայի հավաքականի մրցակիցը կլինի Իսպանիայի ընտրանին, որը լրացուցիչ ժամանակում 2:1 հաշվով պարտության մատնեց Գերմանիային:

Հուլիսի 6-ին տեղի կունենան քառորդ եզրափակիչ փուլի մյուս երկու հանդիպումները՝ Անգլիա - Շվեյցարիա՝ 20:00-ին, Նիդերլանդներ - Թուրքիա՝ 23:00-ին: