Ադրբեջանի պաշտպանության նախարարությունը կրկին ապատեղեկատվություն է տարածել։ Այս մասին հաղորդում է Հայաստանի պաշտպանության նախարարությունը։

«Ադրբեջանի ՊՆ հաղորդագրությունը, թե հունիսի 22-ին՝ ժամը 13։00-ի սահմաններում, ՀՀ ԶՈՒ ստորաբաժանումները կրակ են բացել սահմանագոտու արևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը»,- ասված է հաղորդագրությունում։

Կեսօրին Հայաստանի պաշտպանության նախարարությունը հերքել էր ադրբեջանական կողմի տարածած նույնաբովանդակ ևս մեկ հաղորդագրություն։