Մարդու իրավունքների պաշտպանի հանձնարարությամբ արագ արձագանքման խումբ է մեկնել նաև բժշկական կենտրոն՝ բողոքի ակցիայի իրականացման վայրում վնասվածք ստացած քաղաքացիներին և ոստիկաններին տեսակցելու և նրանց առողջական վիճակին ծանոթանալու համար: Այս մասին հաղորդում են ՄԻՊ գրասենյակից։ 

Հիշեցնենք՝ «Տավուշը հանուն հայրենիքի» շարժման անդամներն այսօր ակցիա էին իրականացնում Արտաքին գործերի նախարարության դիմաց, որտեղ իրավիճակը լարվեց։ Կային տուժած քաղաքացիներ և ոստիկաններ։

Մարդու իրավունքների պաշտպան Անահիտ Մանասյանը դատապարտել է տեղի ունեցածը և հորդորել թե՛ իրավապահ մարմինների ներկայացուցիչներին, թե՛ հավաքի մասնակիցներին զերծ մնալ իրավիճակի սրման ցանկացած փորձից: