«Մաքուր երկաթի գործարան» ԲԲԸ-ն հայտնում է, որ շուկայի ընթացիկ իրավիճակը ստիպում է գործարանին կրճատել աշխատուժը։

Հիշեցնենք` գործարանի բանվորները հայտնել էին, որ արդեն երկու ամիս է՝ հարկադիր պարապուրդում են, քանի որ «Զանգեզուրի պղնձամոլիբդենային կոմբինատ» ՓԲԸ-ից այլևս վերամշակելու հումք չեն ստանում։ 

• «Մաքուր երկաթի գործարան»-ը ճգնաժամային վիճակում է․ Քաջարանի կոմբինատից այլևս հումք չի ստանում

Ընկերության տարածած հաղորդագրության համաձայն՝ Գերմանական «Քրոնիմետ» խմբի դուստր ընկերություն «ՄԵԳ»-ը ներկայում ակտիվորեն աշխատում է լուծել այն բոլոր խնդիրները, որոնք ազդում են դեպի եվրոպական և այլ շուկաներ իրենց արտադրանքի մատակարարման վրա:

««ՄԵԳ-ը հերթական օտարերկրյա մասնավոր բիզնես չէ: Մենք գիտակցում ենք, որ ՄԵԳ-ի գերժամանակակից ձուլարանի հաջող գործունեությունը բխում է Հայաստանի երկարաժամկետ ազգային հետաքրքրություններից: Այդ նպատակով «Քրոնիմետն» ու «ՄԵԳ»-ը ներգրավում են հիմնական շահառուներին, ներառյալ պետական պաշտոնյաներին և մատակարարներին, բոլոր հնարավոր տարբերակների ու աջակցման մեխանիզմների մշակմանը՝ մեր ձեռնարկության շարունակական հաջողությունն ապահովելու համար:

Ցավոք, այս տարի ֆերոմոլիբդենի վաճառքը կտրուկ անկում է ապրել: 2023թ. վերջում, «Քրոնիմետ»-ը պատշաճորեն ներգրավվել է մոլիբդենի խտանյութի ձեռքբերման համար ԶՊՄԿ-ի հայտարարած մրցույթին, սակայն, ցավալիորեն, այս պահի դրությամբ կողմերի միջև ընդունելի առևտրային համաձայնություն ձեռք չի բերվել: 

Որպես փոփոխվող հանգամանքներին համապատասխանելու ընթացիկ ջանքերի մաս, մենք ուսումնասիրում ենք մեր գործունեության, աշխատուժի և բիզնես մոդելի ճշգրտումները՝ շուկայում արդյունավետության և մրցունակության բարձրացման համար: Մենք իրականացնելու ենք պլանավորված կրճատումներ: Ստեղծված իրավիճակում սա խիստ անցանկալի, սակայն անխուսափելի միջոց է:

Մենք գնահատում ենք մեր աշխատակիցների նվիրվածությունն ու ջանասիրությունը, և շարունակում մնալ կենտրոնացած մեր առաքելության վրա մեր շահառուներին և գործընկերներին արժեք մատակարարելու համար։

Մինչ մենք նավարկում ենք այսպիսի համապատասխանեցումների միջով՝ բարձրորակ արտադրանք տալու և մատակարարելու ու Հայաստանի՝ որպես ֆերոմոլիբդենի մատակարարի համաշխարհային առաջատարի դիրքերի պահպանման մեր հանձնառությունը մնում է անսասանելի: Մեր աշխատակիցների բարեկեցությունը շարունակում է մնալ մեր առաջնահերթությունը և ցանկացած հնարավոր փոփոխություն կիրականացվի նրանց լավագույն շահի հաշվառմամբ»,- հայտնել է ՄԵԳ-ի ղեկավարությունը:

«Մաքուր Երկաթի Գործարան» ԲԲԸ-ն գործում է 1968թ.-ից, գործունեության հիմնական ուղղությունն է ֆերոմոլիբդենի արտադրությունը։ Ի շնորհիվ ավելի քան 9 միլիարդ ՀՀ դրամ արժողությամբ ներդրումային ծրագրի, որն իրականացվել է «Քրոնիմետ» ընկերությունների խմբի կողմից՝ սկսած 2015 թվականից, գործարանը այսօր հագեցված է ամենաարդիական արտադրական հզորություններով, և կարող է վերամշակել տարեկան մոտ 9,000 տոննա մոլիբդենի խտանյութ։

Ընկերության աշխատակիցների միջին թվաքանակը տատանվել է 376-ից 413, 2019-2024թթ.-ին՝ 413,000 դրամ ամսական միջին աշխատավարձով։

2014-2023 թթ. ընկած ժամանակահատվածում ընկերության կողմից պետական բյուջե վճարված հարկերը կազմել են 18,197,265 հազար դրամ։ Սոցիալական ծրագրի իրականացմանը հատկացվել է 626,641 հազար դրամ՝ առողջապահության, կրթության և սպորտի հիմնական ուղղություններով։