Առողջապահության նախարարությունը  ձեռք է բերել  և առաջին անգամ պացիենտներին ավճար տրամադրում է «Տոցիլիզումաբ 162մգ/0,9մլ» դեղը: Այս մասին տեղեկացնում է Առողջապահության նախարարության մամուլի ծառայությունը։

«Այն նախատեսված է պատանեկան իդիոպաթիկ արթրիտ (ՊԻԱ) ունեցողների բուժման համար: Մինչ այժմ այս դեղը երբևէ անվճար չի տրամադրվել և պացիենտներից շատերը դեղի բարձր գնի պատճառով կիսատ են թողել անհրաժեշտ բուժումը:

Պատանեկան իդիոպաթիկ արթրիտը ամենատարածված մանկական ռևմատոլոգիական հիվանդությունն է, որի հետևանքով պացիենտների 30-56%  մոտ առաջացնում է ցմահ հաշմանդամություն:

Դեղի անվճար տրամադրումը կկանխարգելի երեխաների հաշմանդամության զարգացման ռիսկը»,-նշված է հաղորդագրության մեջ։