Նոյեմբերի 3-ին՝ ժամը 21:14-ին, Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աշտարակի խճուղում` «Կովկաս» հյուրանոցառեստորանային համալիր և պանդոկի մոտակայքում, տեղի է ունեցել ՃՏՊ: Հայտնում է Փրկարար ծառայությունը։

Ծառայության փոխանցմամբ՝ դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ բախվել են երեք «Mercedes-Benz», «Nissan» և «VAZ 2106» մակնիշների ավտոմեքենաները: «Mercedes-Benz» մակնիշի ավտոմեքենաներից մեկը և «Nissan» մակնիշի ավտոմեքենան բախվել են մոտակա արագ սննդի գրիլ պատրաստող սարքին․ վերջինս ընկել է ավտոմեքենաների վրա։

«VAZ 2106» մակնիշի ավտոմեքենայի 19-ամյա ուղևորը հոսպիտալացվել է բժշկական կենտրոն։ Փրկարարները հոսանքազրկել են «VAZ 2106» մակնիշի ավտոմեքենան և փակել գազի բալոնի փականը:

Լուսանկարները՝ ՆԳՆ ՓԾ