Կալիֆորնիա նահանգից դեմոկրատ սենատոր Ֆայնսթայնը երեկ երեկոյան Թվիթերի իր միկրոբլոգում գրել էր. «Ինը ամիս շարունակ Ադրբեջանը թիրախավորել է Լեռնային Ղարաբաղը և ավելի քան 120,000 հայերի զրկել է կարևոր ռեսուրսներից, այդ թվում՝ սննդից և դեղորայքից: Մեր երկկուսակցական նամակը Պետդեպարտամենտին կոչ է անում պատժամիջոցներ կիրառել այս ռազմական հարձակումների հետ կապ ունեցող անձանց նկատմամբ: Վաղուց ժամանակն է, որ ԱՄՆ-ն ադրբեջանցի այս պաշտոնյաներին պատասխանատվության ենթարկի իրենց գործողությունների համար»։

For nine months, Azerbaijan has targeted the Nagorno-Karabakh region and deprived more than 120,000 Armenians of critical resources including food and medicine. Our bipartisan letter calls on the State Department to sanction individuals associated with these military attacks.

— Senator Dianne Feinstein (@SenFeinstein) September 28, 2023

Այս գրառումից ժամեր անց իր աշխատակազմից տեղեկացրեցին, որ սենատորը մահացել է։ 
«Ցավով պետք է տեղեկացնենք, որ երեկ երեկոյան իր տանը՝ Վաշինգտոն քաղաքում, վախճանվել է սենատոր Ֆայնսթայնը»,- ասված է հաղորդագրության մեջ։

90-ամյա Դայան Ֆայնսթայնը կմնա Հայաստանի և Արցախի պատմության մեջ որպես քաղաքական գործիչ, որի վերջին գրառումը Արցախի մասին էր։

Նշենք, որ Ֆայնսթայնը նախկինում կոչ է արել Թուրքիային ճանաչել Հայոց Ցեղասպանությունը։ «Հիշելով անցյալը՝ մենք կկանխենք ապագայում նման ցեղասպանության կրկնությունը»,- ասել է սենատորը Կալիֆորնիայում Մոնթեբելոյի Հայոց Ցեղասպանության զոհերի հիշատակին նվիրված հուշարձան այցելության ժամանակ՝ 2011 թվականին։

Ֆայնսթայնը ԱՄՆ գործող ամենատարեց սենատորն էր։