Սեպտեմբերի 19-ին` ժամը 13։00-ի սահմաններում, ադրբեջանական զինուժի՝ Արցախի վրա հարձակումից հետո Երևանում՝ Կառավարության դիմաց, արդեն երկրորդ օրն է` շարունակվում են բողոքի ակցիաները:

Ըննդիմության կոչով սեպտեմբերի 20-ի երեկոյան Հանրապետության հրապարակում տեղի ունեցած հանրահավաքից հետո քաղաքացիները շարունակեցին բողոքի ցույցը Կառավարության շենքի դիմաց՝ պահանջելով վարչապետ Նիկոլ Փաշինյանի հրաժարականը։ Տեղի ունեցավ բախում ոստիկանների հետ։ Որոշ քաղաքացիներ բերման ենթարկվեցին: Զուգահեռ նաև կենտրոնական որոշ փողոցների խաչմերուկներ էին փակվել ցուցարարների կողմից։