Ադրբեջանի ՊՆ տարածած հաղորդագրությունն այն մասին, թե իբր ՊԲ ստորաբաժանումները սեպտեմբերի 8֊ին , ժամը 19:05-ի սահմաններում ամրաշինական աշխատանքներ են կատարել Շուշիի շրջանում, որոնք իբր թե կասեցվել են ադրբեջանական ստորաբաժանումների գործողությունների արդյունքում, հերթական ապատեղեկատվությունն է։ Այս մասին հայտնում են ԱՀ ՊՆ մամուլի ծառայությունից։

«Ադրբեջանի ՊՆ-ն կեղծ հաղորդագրությունների տարածմամբ շարունակում է իրականացնել հերթական սադրանքի տեղեկատվական նախապատրաստություն»,- ասված է հաղորդագրությունում։

Հիշեցնենք, որ օրվա ընթացքում ՊԲ-ն ևս երկու հաղորդագրություն էր տարածել՝ հերքելով Ասկերանի շրջանում ամրաշինական աշխատանքներ կատարելու մասին՝ ադրբեջանական կողմի հաղորդագրությունը։