Անչափահաս աղջկան բռնության ենթարկած կինը հայտնաբերվել է։ Այս մասին հայտնում է Ոստիկանության հասարակայնության հետ կապի և լրատվության վարչության պետի տեղակալ Էդգար Ջանոյանը։ 

«Համացանցում տեսանյութ է տարածվել, որտեղ մի կին բռնության է ենթարկում անչափահաս աղջկա։

ՆԳՆ ոստիկանության Հասարակական անվտանգության ապահովման գլխավոր վարչության, Գավառի և Կենտրոնական բաժինների ոստիկանների համատեղ ձեռնարկած միջոցառումների արդյունքում տեսանյութում պատկերված կինը հայտնաբերվել է: Նա այս պահին ոստիկանությունում է: Կտրվի լրացուցիչ տեղեկատվություն»,- ասված է ֆեյսբուքյան գրառման մեջ:

Դեպքի առնչությամբ ուսումնասիրություններ է սկսել նաև ՄԻՊ աշխատակազմը։