ՆԳՆ փրկարար ծառայության փոխանցմամբ՝ օգոստոսի 5-ին` ժամը 08:18-ին, Աղավնաձոր գյուղի «Ուլգյուր» կոչվող տարածքում բռնկված հրդեհը մարվել է:

***

Հիշեցնենք, որ oգոստոսի 2-ին` ժամը 09։40-ին, Վայոց ձորի մարզային փրկարարական վարչության ճգնաժամային կառավարման կենտրոն տեղեկություն էր ստացվել, որ Աղավնաձոր գյուղի «Ուլգյուր» կոչվող տարածքում հրդեհ է բռնկվել։

Դեպքի վայր են մեկնել ՆԳՆ ՓԾ Վայոց ձորի, Արարատի և Գեղարքունիքի մարզային փրկարարական վարչությունների հրշեջ-փրկարարական ջոկատներից չորս մարտական հաշվարկ, չորս օպերատիվ խումբ, Հրդեհաշիջման և փրկարարական աշխատանքների կազմակերպման բաժնի և անօդաչու թռչող սարքավորումների ստորաբաժանման օպերատիվ խմբերը։

Հրդեհաշիջման աշխատանքներին մասնակցել են 83 փրկարար ծառայող, 17 տեխնիկա, «Հայանտառ» ՊՈԱԿ-ի «Վայոց ձորի անտառտնտեսություն» մասնաճյուղի 16 աշխատակից, Աղավնաձոր գյուղից 50 բնակիչ, կիրառվել են մի քանի անօդաչու թռչող սարքեր և ՀՀ ՊՆ մեկ ուղղաթիռ։

Լուսանկարը՝  ՆԳՆ ՓԾ ֆեյսբուքյան էջից