Ոստիկանությունը հայտնում է, որ «Զվարթնոց» օդանավակայանի գծային բաժնի քրեական հետախույզները հուլիսի 6-ին Ստամբուլ-Երևան չվերթի ինքնաթիռի ժամանումից հետո օդանավակայանում հայտնաբերել, ձերբակալել և գծային բաժին են տեղափոխել 39-ամյա Մոհամմադ Ա.-ին:

Նա 2017 թ. սեպտեմբերի 22-ից Իրանի Իսլամական Հանրապետության Ինտերպոլի կողմից հետախուզվում էր յուրացնելու, կաշառակերության և խարդախության մեղադրանքով:

Խափանման միջոցը՝ կալանք: Հայտնաբերման մասին հայտնվել է ՀՀ-ում Ինտերպոլի ԱԿԲ: