«Հիդրոօդերևութաբանության և մոնիթորինգի կենտրոն»-ը տեղեկացնում է, որ Երևանում այսօր ցերեկը և հուլիսի 6-ին սպասվում է առանց տեղումների եղանակ։

Հուլիսի 4-ի երեկոյան ժամերին սպասվում է, հուլիսի 5-ին, 7-ի և 8-ի երեկոյան ժամերին հնարավոր է կարճատև անձրև և ամպրոպ, երեկոյան ժամերին և ամպրոպի ժամանակ՝ քամու ուժգնացում՝ 15-18 մ/վ արագությամբ։

Մարզերում այսօր ցերեկը, հուլիսի 4-ի գիշերը, 6-ին սպասվում է առանց տեղումների եղանակ։

Հուլիսի 4-ի ցերեկը, 5-ին, 7-ի ուշ երեկոյան, 8-ին առանձին շրջաններում սպասվում է կարճատև անձրև և ամպրոպ։ Առանձին հատվածներում հնարավոր է նաև կարկուտ։

Քամին՝ հարավարևելյան 2-5 մ/վ, ամպրոպի ժամանակ սպասվում է քամու ուժգնացում՝ 15-20 մ/վ արագությամբ:

Օդի ջերմաստիճանը հուլիսի 3-7-ին աստիճանաբար կբարձրանա 2-4 աստիճանով։