Սննդամթերքի անվտանգության տեսչական մարմինը «Հետաքննող լրագրողներ» ՀԿ-ի հետ համատեղ իրացման ցանցից կատարել էր «Էրեբունի» ապրանքանիշի պաղեցրած հավ ապրանքատեսակի նմուշառում:

• Սալմոնելա և մանրէներ տեղական հավի մսում. լաբորատոր փորձաքննության արդյունքները

Լաբորատոր փորձաքննությամբ՝ նմուշներում արձանագրվել էր շեղում մանրէաբանական ՄԱՖԱնՄՔ ցուցանիշով:

Հետագծելիության սկզբունքի ապահովման նպատակով՝ Տեսչական մարմնի Երևանի կենտրոնի տեսուչները ստուգում են իրականացրել «Վլադ Հակոբյանի անվան Համակցված կերերի գործարան» ՓԲԸ-ում:

Վերահսկողական միջոցառման ընթացքում ամբողջական պաղեցված թռչնամսից վերցված նմուշները տրվել են լաբորատոր հետազոտության:

Համաձայն արդյունքների՝ փորձարկված նմուշը համապատասխանում է իրավական ակտերով սահմանված նորմերին:

Ստուգման ընթացքում խախտումներ չեն հայտնաբերվել: