«ՄՈՍՏ» (MOST) նախագիծը կազմակերպել է «Վկայություն» փառատոնը (հունիսի 20-25), որի նպատակն է՝ անդրադառնալ հետխորհրդային տարածքում բռնկված ռազմական հակամարտությունների շուրջ ձևավորված պատումներին, ի ցույց դնել տարբեր պատերազմների՝ մարդկանց փորձառությունների մեջ առկա զուգահեռները:

Փառատոնի ծրագիրում տեղ են գտել կինոնկարներ, լուսանկարների ցուցադրություն, որ կուղեկցվեն հեղինակների մեկնաբանություններով, դասախոսություններ: Ծրագրին կարելի է ծանոթանալ այստեղ։

Փառատոնի մաս է կազմում Լաբորատորիան, որի աշխատանքներին մասնակցելու համար հրավիրվում են 5 երիտասարդ և փորձառու հեղինակ: Նրանց կառաջարկվի ներգրավվել աշխատարանի շրջանակում կազմակերպվող քննարկումներին ու բանավեճերին, գրել փառատոնում ներկայացված աշխատանքների մասին: Այդ տեքստերն ի մի կբերվեն էլեկտրոնային հանդեսի մեջ: Հավելյալ մանրամասներ կարող եք իմանալ այստեղ։