ՀայՓոստը հորդորում է ոչ մի դեպքում չտրամադրել բանկային տվյալները: 

«Կրկին ահազանգեր ենք ստանում, որ ՀայՓոստի անվան և ապրանքային նշանի շահարկմամբ մարդկանցից բանկային տվյալների կորզման փորձեր են արվում: 

Այս անգամ խարդախները այլ երկրում գրանցված անհայտ համարներից քաղաքացիներին ՀայՓոստի անունից ուղարկում են կարճ հաղորդագրություններ (SMS) ՝ առաջարկելով կատարել 233,12 դրամ առաքման վճար, որպեսզի ծանրոցը առաքվի: Հղմամբ անցնելով բացվում է պատուհան, որտեղ պահանջվում  է ներմուծել անձնական և բանկային քարտի տվյալներ։ 

Խնդրում ենք օգտվել միայն ՀայՓոստ ընկերության պաշտոնական աղբյուրներից.

Կայք՝ https://www.haypost.am/ 

 ֆեյսբուքյան էջ՝ https://www.facebook.com/haypost.am 

 Ինստագրամյան էջ՝ https://www.instagram.com/haypost.official/?hl 

 Հեռախոսահամար՝ (010) 514-514»,-նշված է ՀայՓոստի տարածած հաղորդագրությունում։