«Աշոցքի պանրի գործարան»-ի «Պանիր լոռի» արտադրատեսակի նմուշն աղիքային ցուպիկի խմբի մանրէներ (ԱՑԽՄ) ցուցանիշով չի համապատասխանել «Կաթի և կաթնամթերքի անվտանգության մասին» Մաքսային Միության տեխնիկական կանոնակարգի պահանջներին։ 

Այս մասին հայտնում է Սննդամթերքի անվտանգության տեսչական մարմինը, որի Շիրակի մարզային կենտրոնի տեսուչները ստուգում են իրականացրել ՍՊԸ-ում։ Առկա արտադրատեսակներից կատարվել էր նմուշառում և ներկայացվել լաբորատոր փորձաքննության։ 

Տեսչական մարմնի ղեկավարի որոշմամբ` կասեցվել է «Աշոցքի պանրի գործարան» ՍՊԸ-ի «Պանիր լոռի» արտադրատեսակի արտադրական գործունեությունը մինչև հայտնաբերված խախտումները վերացնելը: