Կովկասի բնության հիմնադրամը /CNF/ 2023 տարվա առաջին գումարային փոխանցումներն է կատարել բնության հատուկ պահպանվող երկու տարածքների՝  Շրջակա միջավայրի նախարարության կազմում գտնվող «Զանգեզուր» կենսոլորտային համալիրին և «Խոսրովի անտառ» պետական արգելոցին։ Այս մասին հայտնում են Հիմնադրամից։

Ընդհանուր առմամբ՝ փոխանցումը կազմել է 209 հազար եվրո, որից 142 հազար 500 եվրոն հատկացվել է «Զանգեզուր» կենսոլորտային համալիրին, իսկ 66 հազար 500 եվրոն՝ «Խոսրովի անտառ» պետական արգելոցին ։ 

Հիշեցնենք, որ հատկացված գումարներով պահպանվող տարածքներում ֆինանսավորվում են կառույցների արդյունավետ գործունեության համար անհրաժեշտ ընթացիկ ծախսերը՝ ապահովելով տարածքների պահպանության պատշաճ մակարդակը։