Տեսանյութեր
Լուսանկարներ
Գոմեսն օգտագործեց իր հնարավորությունը
«Եվրո-2012»-ի B խմբի երկրորդ խաղում Գերմանիան նվազագույն հաշվով առավելության հասավ Պորտուգալիայի նկատմամբ: Չնայած բուքմեյքերները խաղից առաջ մեծ առավելություն էին տալիս Եվրոպայի եռակի չեմպիոն գերմանացիներին, սակայն խաղի ընթացքը ցույց տվեց, որ սրանք այս պահին գոնե հավասարազոր թիմեր են:
Առաջին կեսում միանգամայն հավասար պայքար էր ընթանում: Ավելին՝ խաղակեսի վերջում աչքի ընկնելու գերազանց հնարավորություն ուներ պորտուգալացիների պաշտպան Պեպեն, սակայն նրա հարվածից հետո գնդակը դիպավ հորիզոնական դարպասաձողին ու դարպասային գծից հետ մղվեց անդրադարձով:
Փոխնիփոխ գրոհները շարունակվեցին նաեւ երկրորդ կեսում, եւ թվում էր, թե ամեն ինչ տանում է դեպի գոլազուրկ ոչ-ոքի: Սակայն գերմանացիներից Մարիո Գոմեսը 72-րդ րոպեին օգտվեց մրցակցի պաշտպանների բացթողումից ու օգտագործեց իր միակ իրական հնարավորությունը՝ գլխի հարվածով բացելով հաշիվը:
Գոլը պորտուգալացիներին ստիպեց առաջ նետվել, եւ խաղի ընթացքն ավելի արագացավ: Նոյերի դարպասի մոտ մի շարք վտանգավոր պահեր ստեղծվեցին, սակայն Ռոնալդուի, Նանիի, Վարելայի հարվածները չհասան նպատակին:
Գերմանիան կարեւոր հաղթանակ տարավ եւ Դանիայի հետ գլխավորեց B խմբի մրցաշարային աղյուսակը:
|
Գերմանիա |
1 |
1 |
0 |
0 |
1-0 |
3 |
|
Դանիա |
1 |
1 |
0 |
0 |
1-0 |
3 |
|
Հոլանդիա |
1 |
0 |
0 |
1 |
0-1 |
0 |
|
Պորտուգալիա |
1 |
0 |
0 |
1 |
0-1 |
0 |
Լուս.՝ Getty Images-ի
Մեկնաբանել