Հունիսի 6-ին ՀՀ ոստիկանության պետ, գեներալ-լեյտենանտ Վլադիմիր Գասպարյանն ընդունեց ԱՊՀ տարածքում կազմակերպված հանցավորության դեմ պայքարի կոորդինացիոն Բյուրոյի պատվիրակությանը՝  տնօրեն, ոստիկանության գեներալ-գնդապետ Նիկոլայ Օվչիննիկովի գլխավորությամբ:

Շնորհակալություն հայտնելով ընդունելության համար՝ Նիկոլայ Օվչիննիկովը ոստիկանության պետին, որպես ԱՊՀ անդամ-պետությունների ՆԳ նախարարների խորհրդի նախագահողի` զեկուցեց հաշվետու ժամանակահատվածում Բյուրոյի կողմից կատարված աշխատանքների մասին:

Ներկայացվեցին նաև 2012 թ. աշնանը կայանալիք ԱՊՀ անդամ-պետությունների ՆԳ նախարարների խորհրդի հերթական նիստի անցկացման հետ կապված նախապատրաստական աշխատանքները:

Հանդիպման ընթացքում քննարկվեցին ՀՀ ոստիկանության և Բյուրոյի միջև համագործակցության ու զարգացման հետագա ուղիները:

ՀՀ ոստիկանության պետի հրամանով գեներալ-գնդապետ Նիկոլայ Օվչիննիկովը պարգևատրվեց «Օրենքի պատվար» մեդալով, իսկ պատվիրակության անդամ Սերգեյ Գաֆարովը՝  «Ոստիկանությունում գերազանց ծառայության համար»  կրծքանշանով:

Հանդիպումն  անցավ ջերմ և կառուցողական մթնոլորտում:

ՀՀ ոստիկանության հասարակայնության հետ կապի և լրատվության վարչություն