Ադրբեջանի պաշտպանության նախարարությունն, այսօր արդեն երկրորդ անգամ է տարածում ապատեղեկատվություն այն մասին, թե իբր ՊԲ ստորաբաժանումները խախտել են հրադադարի պահպանման ռեժիմը՝ ժամը 16:05-ից 18:00-ն տարբեր ընդհատումներով կրակ բացելով ադրբեջանական դիրքերի ուղղությամբ։ Այս մասին հայտնում է Արցախի Պաշտպանության բանակի մամուլի ծառայությունը։ 

Հիշեցնենք, որ ավելի վաղ Արցախի ՊԲ-ն ապատեղեկատվություն էր որակել Ադրբեջանի ՊՆ-ի տարածած հաղորդագրությունն այն մասին, թե իբր ՊԲ ստորաբաժանումները դեկտեմբերի 16-ին, ժամը 13:05-ի սահմաններում կրակ են բացել ադրբեջանական դիրքերի ուղղությամբ։