Տեսանյութեր
Լուսանկարներ
Մեկնարկում են նախադպրոցական ուսհաստատության աշխատողների վերապատրաստման դասընթացներ․ ԿԳՄՍՆ
Մեկնարկում են նախադպրոցական ուսումնական հաստատության մանկավարժական աշխատողների վերապատրաստման դասընթացները: Այս մասին հայտնում է Կրթության, գիտության, մշակույթի և սպորտի նախարարությունը։
Նախարար Վահրամ Դումանյանի 2022 թվականի նոյեմբերի 18-ի 1473-Ա հրամանով երաշխավորվել է հինգ կազմակերպություն՝ նախադպրոցական ուսումնական հաստատության մանկավարժական աշխատողների վերապատրաստումներ իրականացնելու նպատակով:
Նախարարի հրամանով երաշխավորվել են հետևյալ կազմակերպությունները՝
- «Էդիթ Պրինտ» ՍՊԸ,
- «Հովակիմյան Գրուպ» ՍՊԸ,
- «Վանաձորի Հ. Թումանյանի անվան պետական համալսարան» հիմնադրամ,
- «Վարդանանք կրթահամալիր» ՍՊԸ,
- «Քայլ առ քայլ»ԲԿ:
Նշվում է, որ երաշխավորված կազմակերպությունների ընտրությունը կատարվել է՝ համաձայն ՀՀ ԿԳՄՍ նախարարի N 27-Ն հրամանով հաստատված նախադպրոցական ուսումնական հաստատության տնօրենների և մանկավարժական աշխատողների վերապատրաստող կազմակերպության ընտրության և վերապատրաստման կարգի: Հիմք են ընդունվել հիշյալ կարգի պահանջներին համապատասխան վերապատրաստող կազմակերպության ընտրության համար ձևավորված հանձնաժողովի գնահատման արդյունքները:
Մեկնաբանել