Քաղաքացիական ավիացիայի կոմիտեն տեղեկացնում է, որ 2022 թվականի դեկտեմբերի 1-ին Ջրաբեր գյուղի տարածքում կործանված BeechCraft 95-B55 մասնավոր ինքնաթիռի 2 օդաչուները Ռուսաստանի Դաշնության քաղաքացիներ են՝ Ալեքսեյ Վալերիի Պռոցենկոն՝ ծնված 1979 թվականին և Վիտալիյ Վասիլիի Ռոգատկինը՝ ծնված 1983 թվականին:

• Այսօր աղետի ենթարկված ինքնաթիռը գրանցված էր Սլովակիայում եւ վաճառքի էր հանված (թարմացվող)

Ավելի վաղ Քաղավիացիայի կոմիտեն հայտնել էր, որ ինքնաթիռը Երեւանից թռչում էր դեպի ՌԴ Աստրախան քաղաք, սակայն 13:11-ին կապն օդանավի հետ ընդհատվել է, իսկ 14:20-ին ինքնաթիռը հայտնաբերվել է Կոտայքի մարզի Ջրաբեր գյուղի մոտ:

Զոհվել են ինքնաթիռում գտնված 2 անձինք՝ օդաչուները:

• Կոտայքում ինքնաթիռի վթարի ենթարկվելու դեպքով նախաձեռնվել է քրեական վարույթ․ ՔԿ

Լուսանկարը՝ Քննչական կոմիտեի