Ադրբեջանի ՊՆ օրվա ընթացքում տարածում է երկրորդ բացարձակ սուտ հաղորդագրությունն այն մասին, թե իբր ՊԲ ստորաբաժանումները նոյեմբերի 27-ի ժամը 11։30 -16:20-ն ընկած ժամանակահատվածում կրակ են բացել Արցախի Հանրապետության Մարտունու, Ասկերանի և Մարտակերտի շրջանների օկուպացված տարածքներում տեղակայված ադրբեջանական դիրքերի ուղղությամբ։ Այս մասին հայտնում են Պաշտպանության բանակից։

«Հաղորդագրությունը Ադրբեջանի ՊՆ հերթական ապատեղեկատվությունն է»,- ասված է հաղորդագրությունում։

Հիշեցնենք, որ այսօր առավոտյան ՊԲ-ն կրկին հերքել էր ադրբեջանական դիրքերի ուղղությամբ կրակելու մասին Ադրբեջանի ՊՆ հաղորդագրությունը։