Հայաստանում ԱՄՆ դեսպանատունը հայտնում է, որ ԱՄՆ վիզաներին առնչվող բոլոր հարցումները անհրաժեշտ է ներկայացնել նոր գործարկված Visa Navigator հարթակի միջոցով։

Նշվում է, որ Visa Navigator հարթակում զետեղված են տեղեկություններ հարցազրույց պլանավորելու, վիզայի դիմում ներկայացնելու, արտահերթ հարցազրույց նշանակելու, հարցազրույցին ներկայացվող փաստաթղթերի և այլ թեմաների վերաբերյալ։

«Եթե հարթակում չեք կարողանում գտնել ձեզ հետաքրքրող հարցի պատասխանը, ապա հետևեք All Other Questions բաժնի ցուցումներին և կապ հաստատեք մեր մասնագետների հետ։ Խնդրում ենք նկատի ունենալ, որ խնդրո առարկայի հստակ ձևակերպումը (subject line-ում) խիստ էական է հարցերին առավել արագ ընթացք տալու համար»,- նշվում է հաղորդագրության մեջ։