Արցախի տարածքային կառավարման և ենթակառուցվածքների նախարար Հայկ Խանումյանը այսօր հայտնել էր, որ նոյեմբերի 23-ից ազատվելու է զբաղեցրած պաշտոնից։ Այս մասին նա գրառում էր կատարել իր ֆեյսբուքյան էջում։

Այսօր հայտարարություն էր տարածել նաեւ Արցախի Հանրապետության դատախազությունը՝ «Հրապարակ» թերթի հրապարակման ի պատասխան: 

Պարզվում է՝ երեկ Արցախի Հանրապետության գլխավոր դատախազության հատուկ քննչական բաժնի քննիչը որոշում էր կայացրել ԱՀ տարածքային կառավարման և ենթակառուցվածքների նախարար Հայկ Խանումյանի պաշտոնավարումը դադարեցնելու մասին։ 

Հիշեցնենք, որ Արցախի դատախազության կողմից նախկինում արված հայտարարության համաձայն՝ Հայկ Խանումյանը ներգրավվել է որպես մեղադրյալ 2020 թվականի 44-օրյա պատերազմի հետևանքով տեղահանված քաղաքացիներին հյուրանոցային ծառայությունների մատուցման գործընթացում թույլ տված ենթադրյալ պաշտոնեական անփութության համար։